Пра гэта паведаміла 27 траўня прэс-служба Дзяржаўнага памежнага камітэту Беларусі.
Высьветлілася, што Міністэрства ўнутраных справаў Расеі аб’явіла міждзяржаўны вышук гэтага мужчыны — за забойства. Яго таксама пазбавілі бацькоўскіх правоў, ён ня мог жыць зь дзіцем на законных падставах.
Паводле Памежнага камітэту Беларусі, расеец выкраў дзяўчынку ў маці і хаваўся зь ёю пяць гадоў.
Затрыманага зьмясьцілі ў ізалятар часовага ўтрыманьня, вырашаецца пытаньне аб завядзеньні на яго крымінальнай справы.
За спробу незаконна перасекчы мяжы яму пагражае штраф да 100 базавых велічыняў (4.200 рублёў), за выкарыстаньне падробленых дакумэнтаў — абмежаванне волі да 2 гадоў.
Дзяўчынку перадалі супрацоўнікам крымінальнага вышуку ГУУС Менскага гарвыканкаму для вяртаньня маці.
Расеец з падробленым пашпартам спрабаваў вывезьці ў ААЭ празь Беларусь выкрадзеную дачку
Менскі аэрапорт, ілюстрацыйнае фота
У нацыянальным аэрапорце «Менск» у ноч на 22 траўня пры афармленні рэйсу ў Дубай (ААЭ) памежнікі затрымалі мужчыну і дзяўчынку з часткова падробленымі пашпартамі грамадзян Расеі — у дакумэнтах былі замененыя старонкі з асабовымі зьвесткамі.