Даследаванне, праведзенае на заказ пасольства Нямеччыны ў Вільні, паказала, што 72% апытаных выказалі станоўчае або вельмі станоўчае меркаваньне адносна пастаяннага разьмяшчэньня да 5000 нямецкіх салдат у краіне на ўсходнім флянгу NATO, піша dpa.
Толькі 13% ацанілі гэта як адмоўнае або вельмі адмоўнае.
Амаль тры чвэрці (73%) тых, хто падтрымліваў разьмяшчэньне войскаў, заявілі, што разьмяшчэньне брыгады ў Літве гарантуе большую бясьпеку і будзе дзейнічаць як стрымліваючы фактар.
Інстытут Baltijos Tyrimai апытаў 1070 чалавек ва ўзросьце ад 15 гадоў і старэйшых у красавіку.
«Мы вельмі ганарымся гэтымі лічбамі», — сказаў палкоўнік Андрэ Гастэнрат, намесьнік камандзіра 45-й бранятанкавай брыгады, на прэзэнтацыі вынікаў у Вільні.
Нямецкае разгортваньне вайсковай брыгады ў Літве было адказам на рост пагрозы для NATO з боку Расеі. Увод баявога падразьдзелу на актыўную службу быў адзначаны парадам фармаваньняў крыху больш за два тыдні таму. Чакаецца, што брыгада будзе цалкам баяздольнай да 2027 году і стане першым буйным падразьдзелам у гісторыі Бундэсвэру, якое пастаянна дысьлякуецца за мяжой.
Акрамя Беларусі, чый цяперашні рэжым ёсьць хаўрусьнікам Расеі, Літва мяжуе з расейскім анклявам на Балтыйскім моры — Калінінградзкай вобласьцю.
Форум